Finalizamos hoxe, dous días intensos e froitíferos que nos serviron para coñecer os estudos de Manuel Arias do CSIC, quen, de maneira didáctica e accesible nos mostrou os datos resultantes dos avances das súas investigacións sobre a contaminación de mares, océanos e ríos a nivel mundial. Sí, a “cousa” vai a máis, polo que cada grao de area conta. Súmate ao CAMBIO.
Mar de Fábula presentamos o proxecto ” Entre Crebas” en colaboración co CIS Coruña, no que apostamos pola integración social e a implicación de colectivos vulnerables no coidado e custodia do medio ambiente.
Brigada do Mar , Mi Pueblo Limpio e Buceo Galicia, nos deron a coñecer heroicas limpezas nas que retiran inxentes cantidades de lixo. Loitas de David contra Goliath.
Surfrider Foundation e Surfistas Vigilantes del Mar amosáronnos estratexias para implicar ao conxunto da sociedade a tomar acción.
Coñecimos os proxectos vitais de Vivir sin plástico e de Plasticus maritimus, tan interesantes como necesarios para remover conciencias.
Ardora Formación y Servicios S. Coop. Galega, presentaron o seu proxecto no que as mulleres e os homes do mar son xs protagonistas.
Javier Ares (JAPI), de Polaris Menorca agasallounos cas súas experimentadas palabras como “persoa histórica” na defensa da natureza.
Mencionamos á Fundación Starlight, dende a que se está a traballar en contra da contaminación lumínica que tanto afecta a todas as especies que habitamos este único e fermoso planeta. #ODS18 Protección do ceo.
Hoxe domingo, visitamos o obradoiro de RetoqueRetro , quen conxuntamente co CEIDA – Centro de Extensión Universitaria e Divulgación Ambiental de Galicia e a nosa asociación, vimos de organizar este encontro no tan bonitiño Castelo de Santa Cruz, Concello de Oleiros .
Un perfecto punto e final esta visita, cheo de luz, maxia e arte (con plásticos retirados das praias), necesarios para continuar co noso obxectivo, loitar contra a contaminación dos plásticos.
Moitas gracias a todxs xs asistentes e axs participantes por asistir i existir, pola vosa labor de divulgación, sensibilización e compromiso por un mundo mellor.
NON É O NOSO LIXO, PERO SÍ É O NOSO PLANETA.
BY WPNORDES