O pasado mércores 3 de outubro levamos adiante a limpeza nº10 dentro do proxecto ENTRE CREBAS, proxecto de colaboración entre o CIS (Centro de Inserción Social ) da Coruña e Mar de Fábula, cuxo obxectivo é realizar unha limpeza mensual na praia das Lapas durante 12 meses coas persoas voluntarias residentes no CIS.
Neste camiño comezado en outubro do 2023, fixemos unha parada este pasado sábado nas instalacións do CEIDA no Castelo de Santa Cruz Oleiros, co fin de presentar unha ponencia do realizado até agora dentro do VIII Encontro Internacional do Lixo Mariño, acontecemento que vimos celebrando de maneira continuada dende hai 8 anos.
Despois da limpeza nº12 a realizar a comezos de decembro e como fin do proxecto, faremos unha gran celebración nas instalacións do CIS para presentar os resultados finais desta singular iniciativa ambiental de ciencia cidadán na que as persoas residentes do CIS foron e son os verdadeiros protagonistas.
Nesta limpeza nº10, na que participaron 19 voluntarios, o resultado da colleita de lixo foi a seguinte :
PLÁSTICO POLIESTIRENO
- Cordas = 18
- Aparellos pesca = 12
- Anacos poliestireno = 28
- Anacos plástico +/-2,5 cm. = 256
PAPEL/CARTÓN
- Cabichas = 180
VIDRO
- Anaquiños de vidro = 250
RESIDUOS-HIOXIÉNICO-SANITARIOS
- Bastonciños algodón = 8
- Toalliñas húmidas = 3
OUTRAS FRACCIÓNS
(metal, textil, madeira procesada, cerámica ) = 30
TOTAL RESIDUOS = 785
Observación: Masas de algas arrincadas do fondo polo mal tempo nesta época do ano, chamadas “cachoupa” na zona de Fisterra segundo un dos participantes, cubrían nesta ocasión unha ampla zona da liña de marea, agochando. seguro!! máis anacos de lixo pero nunca remexemos no arghasso. Non remataríamos nunca. Apañamos só o que está patente á vista. Xa que logo, falamos de mínimos.
BY WPNORDES