No día de onte, domingo, de 10.00 a 12.30 horas, levamos adiante en colaboración coa Cofradía de Pescadores de Camelle e a asociación cultura Naufraxios Galegos, a limpeza de fondos no porto, nas zonas do “Muelle Vello” e a Rampla coa actuación de 2 mergulladores e colaboración de veciños e veciñas e voluntariado que, de paso, apañaron todo o lixo plástico entre as rochas ao longo da escolleira, incluído o Museo de Man.
A turbidez das augas e a nubosidade do día dificultaron a realización dunha limpeza que, sendo importante, non foi exhaustiva como pretendíamos e que quedará pendente para unha nova ocasión.
O resultado da limpeza foi a seguinte :
- Do fondo do mar, dúas defensas, 1 maroma, unha nasa de ferro, un bicheiro e e un aparello grande de pesca cheo de anillas.
- Da escolleira, 7 sacos de 100 litros cheos/semicheos de lixo plástico misceláneo.
Agradecemos a participación de todas as persoas que participaron nesta limpeza.
NON É O NOSO LIXO, PERO SÍ É O NOSO PLANETA.
