Este domingo 21 de maio de 2023, acudiron ao noso chamamento para limpar a praia de Gures 21 persoas (7 delas, nenxs). Persoas, familias súper motivadas 100×100 afrontaron a nobre tarefa de descontaminar un areal tan idílico e desfrutado na época estival.
Despóis de organizar a mecánica da limpeza, até alí nos diriximos nun paseíño duns 400 metros, a sabendas de que o vento do nordés predominante, anda a devolver estos días para o mar moito do lixo mariño polo que iamos. Tras a habitual e falsa sensación de chegar a unha praia limpa, en poucos metros nos demos conta de que estabamos no lugar correcto e baixo a ollada de aprobación dos lexendarios Monte Pindo e Cabo Fisterra, dedicámonos a limpar, limpar, limpar..🐢🐢🐢
Debido a que o vento podía espallar o lixo que apañamos, non foi posible realizar a caracterización do mesmo. Pero, debemos destacar: anacos grandes de fibra de vidro, nasas de polbo e un gran aparello de pesca. Multitude de anacos de plásticos duros de todos os tamaños e de envoltorios, bastonciños das orellas, latas e botellas de plástico. En total foron 5 os sacos de 100 litros os que subimos ao contedor. Para os grandes volúmenes, demos aviso ao Concello de Cee , para que procedan á súa retirada. Coma sempre, separamos material para reutilizar nos nosos obradoiros artísticos.
Agradecemos a todxs xs voluntarixs a súa participación, esforzo e compromiso para facer do noso entorno un lugar máis compatible para todas as formas de vida que habitan este planeta.
Queremos salientar a presenza de membros da directiva (presidente e secretario) e de socixs, da Asociación de Profesionais do Sector Turístico da Costa da Morte Aptcm Costa da Morte. O sector turístico e o coidado e custodia da natureza van da man.
![limpeza-praia-gures-2023-1](https://mardefabula.gal/wp-content/uploads/2023/05/limpeza-praia-gures-2023-1-1024x768.jpg)
![limpeza-praia-gures-2023-2](https://mardefabula.gal/wp-content/uploads/2023/05/limpeza-praia-gures-2023-2-1024x768.jpg)
![limpeza-praia-gures-2023-3](https://mardefabula.gal/wp-content/uploads/2023/05/limpeza-praia-gures-2023-3-1024x461.jpg)
![limpeza-praia-gures-2023-4](https://mardefabula.gal/wp-content/uploads/2023/05/limpeza-praia-gures-2023-4-1024x768.jpg)
![limpeza-praia-gures-2023-5](https://mardefabula.gal/wp-content/uploads/2023/05/limpeza-praia-gures-2023-5-1024x876.jpg)
![limpeza-praia-gures-2023-6](https://mardefabula.gal/wp-content/uploads/2023/05/limpeza-praia-gures-2023-6-1024x461.jpg)
![limpeza-praia-gures-2023-7](https://mardefabula.gal/wp-content/uploads/2023/05/limpeza-praia-gures-2023-7-1024x461.jpg)
![limpeza-praia-gures-2023-8](https://mardefabula.gal/wp-content/uploads/2023/05/limpeza-praia-gures-2023-8-768x1024.jpg)
![limpeza-praia-gures-2023-9](https://mardefabula.gal/wp-content/uploads/2023/05/limpeza-praia-gures-2023-9-1024x768.jpg)
![limpeza-praia-gures-2023-10](https://mardefabula.gal/wp-content/uploads/2023/05/limpeza-praia-gures-2023-10-1024x768.jpg)
![limpeza-praia-gures-2023-11](https://mardefabula.gal/wp-content/uploads/2023/05/limpeza-praia-gures-2023-11-1024x768.jpg)
![limpeza-praia-gures-2023-12](https://mardefabula.gal/wp-content/uploads/2023/05/limpeza-praia-gures-2023-12-1024x768.jpg)
![limpeza-praia-gures-2023-13](https://mardefabula.gal/wp-content/uploads/2023/05/limpeza-praia-gures-2023-13-1024x461.jpg)